Тошковски: Чудно е што интерпелации се прават баш кога се гледа борбата против криминалот и корупцијата

Обичен дефокус на македонските граѓани од вистинската борба против криминал и корупција. Министерот за внатрешни работи Панче Тошковски одговарајќи на новинарско прашање ги искоментира поднесените интерпелации за него и за другите владини функционери.

-Интерпелација е демократско право на секоја една опозиција во рамки на една демократска држава. Мене лично ако ме прашате, ова е само еден обичен дефокус на македонските граѓани од вистинската борба против криминал и корупција којашто е јасна дека се спроведува, само што е започната, а ќе продолжи со посилен интензитет. Чудно е малку времето зошто сега, зошто кога борбата против криминалот и корупцијата видлива за граѓаните се поднесува интерпелација од страна на само еден дел од опозицијата, но еве да видиме кои ќе бидат нивните аргументи. Баш би сакал да ги чујам, и откако ќе чујам во рамки на она коешто ќе биде мое излагање, ќе ги изнесам сите оние факти коишто се на страна на вистината, рече Тошковски.