Прегазени тројца пешаци, со тешки повреди пренесени во болница

Во текот на вчерашниот и денешниот ден прегазени се тројца пешаци.

Денеска во 02.30 часот во Полициската станица Гевгелија било пријавено дека на улицата „Маршал Тито“ во Богданци, патничко возило „Хјундаи“ со гевгелиски регистарски ознаки, управувано од А.П. (21) од село Ѓавато, гевгелиско,  удрило во пешакот Т.И.(25) од Богданци. Во несреќаат со тешки телесни повреди се здобил пешакот, а констатирани во Општата градска болница во Гевгелија. Извршен бил увид од увидна екипа од ОВР Гевгелија.

На 27.12.2024 година во 07.40 часот во Полициската станица Гостивар било пријавено дека на улицата „Живко Брајкоски“ во Гостивар, патничко возило „Ауди“ со швајцарски национални ознаки, управувано од Д.К.(27) од Гостивар, удрило во пешакот Е.С.(63) од Гостивар. Во несреќата со тешки телесни повреди се здобил пешакот Е.С., констатирани во Ургентниот центар Гостивар. За настанот бил известен јавен обвинител. Извршен бил увид од увидна екипа.

На 27.12.2024 година во 17.05 часот во СВР Скопје било пријавено дека на крстосницата меѓу булеварот „Партизански одреди“ со улицата „Никола Парапунов“  во Скопје, патничко возило „Мерцедес“ со кавадаречки регистарски ознаки, управувано од Б.Н. (40) од Кавадарци, удрило во пешакот И.М. (56) од Скопје. Во несреќата со тешки телесни повреди се здобила И.М., а констатирани во Градската општа болница „8-ми Септември“ во Скопје. За настанот бил известен јавен обвинител. Извршен бил увид од увидна екипа од СВР Скопје.