Ништо од пратеничкиот мандат за Јелена Жугиќ

Јелена Жугиќ нема да го прифати пратеничкиот мандат и ќе си ја задржи досегашната функција, директор во Театар Комедија. Жугиќ е следна на листата на ВМРО-ДПМНЕ, откако директорката на Детската клиника во Скопје, Аспазија Софијанова, си поднесе оставка на пратеничката функција.

Таа е на деветата позиција на листата на ВМРО-ДПМНЕ во првата изборна единица. Со оглед на тоа дека токму од првата изборна единица оставки од пратеничките функции поднесоа и премиерот Груевски, како и министрите Диме Спасов и Елизабета Канческа - Милеска, влез во Собранието ќе добијат докторот Андон Чибишев, директор на Токсикологија и пратеничката Светлана Јакимовска, кои според наши извори, најверојатно, ќе го прифатат пратеничкиот мандат.