ДУИ: Оваа игра на Владата е опасна - Ние нема да молчиме

ДУИ денеска излегоа со соопштение за јавноста кое ви го пренесуваме во целост:

Сѐ повеќе медиуми, и аналитичари, експерти и граѓани се во неверување — како е можно следново: 

Министерот за внатрешни работи – 13 месеци на функција.

Директорот на Јавната безбедност – 9 месеци.

Министерот за економија – 9 месеци.

Директорот на Државниот пазарен инспекторат – 9 месеци.

Управата за јавни приходи – 9 месеци.

Овие лица се директно надлежни, институционално и правно, да вршат контрола, надзор и да спречат трагедии од ваков тип.

Овие се луѓето кои денес имаат моќ да влијаат врз доказите и да вршат притисок врз сведоците.

Но, ниеден од нив не одговара.

Наместо тоа, гледаме извртување на правдата: во притвор се оние кои не се на функција, немаат институционално влијание, и не можат да го попречат процесот.

Дури и студент на прва година од Правен факултет знае дека не постои причински последична врска низ годините, кога сите дозволи и лиценци се обновуваат секоја година.

Значи, ова не е правда.
Ова е трансакција.

Политички договор во кој премиерот добива можност да ја води судската фарса — емотивна манипулација, медиумски спектакл, пренасочување на вниманието, стопирање на вистинската истрага и заштита на луѓето од власта.

Но оваа игра е опасна.

Оваа неправда, оваа селективна правда, оваа контролирана бура од емоции и закани — ќе предизвикаат снежен лавина што ќе:

Го разори правниот поредок

Jа уништи довербата во судството

Создаде жестока политичка поларизација, во која секој ќе фати секого за уши и ќе владее хаос наместо вистина.

Ние нема да молчиме.
Ние нема да престанеме да ја бараме вистината.
И нема да дозволиме дежурни виновници да се вадат од партискиот тефтер на премиерот,  од заробено судство и политичка корупција.