Лазаров: Момците покажаа дека сме на вистинската насока

Селекторот на македонската ракометна репрезентација, Кирил Лазаров, изрази огромно задоволство од настапот на неговите играчи во денешниот натпревар против Катар. Македонија ја оствари својата втора победа на Светското првенство 2025, славејќи со 39:34 во второто коло од Групата-2.

– Честитки за ракометарите, за она што го даваат за Македонија. Тешко е петти натпревар да се игра со ваков висок интензитет. Но момците покажаа дека сме на вистинската насока. Верувам во оваа репрезентација. Единствено ни недостига искуство кое се стекнува преку вакви натпревари. Победата ја посветуваме на нашите навивачи. Ни претстои дуелот со Франција. Имаат страшен тим. Немаме што да изгубиме на тој меч. Ќе се обидеме на друг начин да играме. Во секој случај ќе биде извонредно тешко со Французите, изјави Лазаров.

Во моменталниот поредок, Македонија се наоѓа на 3. место во Групата-2 со четири бодови, зад Франција и Холандија. Теоретските шанси за пласман во четвртфиналето сѐ уште постојат, а секој следен натпревар е од огромно значење за македонската репрезентација.