Фон дер Лајен се разболе - ги откажа сите работни обврски

Претседателката на Европската комисија, Урсула фон дер Лајен, ги откажа своите ангажмани во наредните денови поради пневмонија.

Нејзината болест во петокот ја потврди и портпаролот на Комисијата, кој додаде дека таа нема да присуствува на инаугурацијата на полското претседателство со ЕУ.

„Претседателката ги откажа своите ангажмани за првите две недели од јануари. Таа се справува со тешка пневмонија. „Откажаните обврски вклучуваат говор во Лисабон и планирано патување во Гдањск по повод почетокот на претседавањето со полскиот совет, што ќе се одржи во подоцнежна фаза“, изјави портпаролот на Европската комисија, Стефан де Керсмакер.