Распишан Конкурсот за државната награда „Мајка Тереза“

Распишан е Конкурсот за доделување на државната награда „Мајка Тереза“ за 2025 година, соопшти денеска Министерството за култура  и туризам.

Конкурсот ќе трае до 30 април годинава, а е објавен и на веб-страницата на Министерството за култура и туризам.

Државната награда се доделува на поединци, група творци, екипи, установи, трговски друштва и здруженија на граѓани од земјава.

Со државната награда „Мајка Тереза“ се оддава признание за остварувања во областа на хуманоста и човечката солидарност и за поттикнување и унапредување на меѓусебното разбирање и развој на соработката како меѓу народите, така и меѓу припадниците на различните заедници, култури и вери.