Македонија доби лесна група во квалификациите за ЕП

Македонската ракометна репрезентација ги дозна имињата на ривалите со кои ќе игра во квалификациите за пласман на Европското првенство 2026 кое ќе се одржи во Данска, Шведска и Норвешка.

Ждрепката и беше наклонета на Македонија. За место на континенталниот шампионат, во Групата 1 ќе игра против Словенија, Литванија и Естонија.

Група 2: Унгарија, Црна Гора, Словачка, Финска
Група 3: Исланд, Грција, БиХ, Грузија
Група 4: Шпанија, Србија, Италија, Летонија
Група 5: Хрватска, Чешка, Белгија, Луксембург
Група 6: Холандија, Фарски Острови, Украина, Косово
Група 7: Германија, Австрија, Швајцарија, Турција
Група 8: Португалија, Полска, Романија, Израел

Квалификациите ќе се играат во три термини. Првиот е од 4 до 10 октомври 2024, вториот и третиот се од 10 до 16 март и од 5 до 15 мај 2025 година.

Првите две селекции од секоја група и најдобрите четири третопласирани обезбедуваат учество на Европското првенство.