Ќерката на Саша Поповиќ полни 26 години

Саша Поповиќ беше погребан вчера, на 6-ти март, на Новите Бежанијски гробишта, а денеска, само еден ден подоцна, ѝ е 26-от роденден на неговата ќерка Александра.

Наместо да слави оваа година, нејзиниот роденден беше одбележан со огромна тага, бидејќи семејството загуби сопруг и татко, а јавноста загуби музички визионер кој со децении ја обликуваше забавната индустрија.

Александра не тргна по стапките на нејзините родители, па не ја интересираат славата и популарноста, туку се посвети на светот на козметиката.

Отсекогаш била особено приврзана за нејзиниот татко, а иако физичката сличност е очигледна, нивните ставови и погледи на светот биле различни. Многу повеќе се интересирала за наука и учење, па студирала на два факултети, но на крајот решила да се посвети на сопствен бизнис и да отвори салон за убавина.